DAVAO CITY – Gipalig-on pa karon sa ahensiya sa City Health Office (CHO) ang ilang kampanya batok teenage pregnancy dinhi sa dakbayan.
Una ng gibutyag sa Population Commission and Development (Popcom) region 11, mikabat na matud pa sa 2, 326 ang teenage prenancy sa rehiyon sa unang quarter ning kasamtangan nga tuig diin kapin 900 niini ang gikan sa dakbayan sa Davao.
Kabahin sa programa sa CHO nga ilang gipakusgan karong panahona mao ang adolescent and youth and health focus page sa Social media diin laraw niini nga matabangan ang mga kabataan ug malikayan ang mga kaso sama na lamang sa sayo nga pagbuntis.
Samtang gibutyag sab ni Bai-Agnes Sampulna, regional director sa Popcom-11 nga plano nilang palig-onon ang pagpahimutang ug teen center sa mga tulonghaan aron nga magiyahan ang mga kabataan.
