DAVAO CITY – Gimando gilayon ni Bansalan acting Mayor Eugene Clata nga pa-imbistigahan gilayon sa Municipal Health Office (MHO) ang ilang nadawat nga impormasyon nga usa ka pamilya ang nakapalit ug baboy apan kalit sumala pa kini nga namatay.
Sumala sa Mayor nga plano sumala pa nga ihawon ang maong baboy alang sa usa ka kasal. Apan dihang gihiwa sumala pa ang tiyan niini, nasayran nga nalata na ang tina-e hinungdan nga wala na nila kini gipadayon.
Gikanayong ipatawag sumala pa karong adlawa ang nanag-iya sa baboy aron nga makuhaan ug samples ang karne niini.
Nanghinaot na lamang ang opisyal nga dili kini magpositibo sa gikalisangan nga African Swine Fever (ASF).
Nagpatuman na sab sumala pa ang lalawigan ug hugtanon nga mga sumbanan dungan sa pahimangno sa katawhan nga dili basta-basta mopalit ug mga baboy.
