DAVAO CITY – Nakatala sumala pa ang Bureau of Jail Management and Penology (BJMP)-Davao ug 358 percent congestion rate sa 11 operational jail facilities sa Davao Region human nga misaka ang populasyon ngadto sa 4,892 o mas sobra sa ideal jail capacity nga anaa lamang sa 1,069 sulod lamang sa Agosto 2019.
Sumala pa kang Jail Inspector Edo Lobenia, BJMP-Davao spokesperson and community relations service officer chief, nga ang Digos City District Jail nakatala ug pinakataas nga ihap sa congestion rate sa rehiyon nga anaa sa 531 percent.
Ang cell area aduna sumala pay sukod nga 526 square meters, nga ha-om lamang sa 112 inmates apan sa kasamtangan aduna sumala pa kini 706 nga populasyon.
Samtang sa 276-square meter sa Panabo City District Jail ang adunay 492 percent congestion rate nga ha-om lamang sa 59 inmates apan sa kasamtangan, adunay 348 persons deprived of liberty (PDLs).
Susama sab ang nasinatian sa uban pang mga Jail facility sa Davao region.
Hinuon gibutyag ni Lobenia nga sa kasamtangan, mihimo na sila ug lakang aron nga masolusyonan ang mga suliran sa jail facilities pinaagi sa pagtukod ug bag-ong gambalay ug istraktura sama sa bag-ong Davao City Jail nga nahimutang sa Barangay Waan, Calinan, Davao City; Montevista; Panabo City Jail, Tagum City Jail, Igacos City Jail, ug Lupon, Tagum City Jail Female.
