DAVAO CITY – Walay nakit-ang foul play ang kapulisan sa Panabo City kalabot sa gidangatan sa usa ka lalaki nga gikanayong nagpakamatay sa National Highway, Barangay Sto. Nino, lungsod sa Carmen.
Una niini, gilayong nangayo ug pakitabang ang mga residente sa lugar ngadto sa otoridad human namatikdan nga nagbuy-od nga lawas sa biktima nga nailang si alyas Mardy, hamtong ang pangidaron.
Nakaplagan ang patay’ng lawas niini sa likod sa pinuy-anan sa pamilyang Polinar sa Purok 11, Tony Boy District, Barangay A. O Floriendo, Panabo City pasado alas kuwatro sa kaadlawon.
Nasayran nga walay ensakto nga pinuy-anan ang biktima ug wala sab kini kabanay kini tungod nagabalhin-balhin lamang kini ug lugar sukad tuig 2010 ug nagapangayo lang og pagkaon sa mga tawo.
Namatikdan sumala pa nga adunay sakit sa panghuna-huna ang biktima ug nag-antos ug balatian.
Dihang gidala sa balay tambalanan, nasayran nga Respiratory Failure ang gikamatyan niini.
Gipahiluna na ang patay’ng lawas sa biktima sa usa ka lokal nga punerarya ning siyudad.
