DAVAO CITY – Masayran sumala pa sa ulahing semana sa karong bulan sa Setyembre ang sangputan sa gisuspende nga Salugpungan Ta’tanu Igkanugon Community learning center.
Una ng gibutyag sa Department of Education (Deped) Davao spokesperson Jenielito Atillo nga natapos na nila ang ilang gipahigayon nga imbestigasyon sulod sa duruha ka bulan human ang gipatuman nga suspensiyon.
Kahinumduman nga mi-atubang ang Salugpungan executives sa komite nga gimugna ug maoy gitahasan nga mohipus ug mga ebidensiya sa gikanayong pagpakiglambigit niini sa komunistang grupo.
Gikanayon sab ni Atillo nga ang ebalwasyon sa komite maoy basehan sa ahensiya sa paghimo ug aksiyon batok sa Salugpungan.
Una ng nagpagula ang DepEd issued ug suspension order sa milabay nga bulan sa Hulyo human nga gi-review ang mga report gikan ni National Security Adviser Secretary Hermogenes Esperon, Jr. ug vice chair sa National Task Force to End Local Communist Armed Conflict, nga gigamit sa Salugpongan ang ilang mga estudyante sa mga rally ug pagtudlo ug mg ideyolohiya batok sa gobyerno.
Apan gibarugan ni Salugpungan executive director Meggie Nolasco nga walay kamatuoran ang pasangil ni Esperon ug wala sumala pa gikuha ang ilang bahin kalabot sa maong isyu ayha gipagula ang suspension order.
