DAVAO CITY – Giduso karon sa usa ka konsehal ang pagmugna ug protection desk sa mga mamumuo sa siyudad diin ipatuman kini sa barangay level.
Sumala pa kang kang konsehal Pamela Librado-Morata, nga ang Davao City Workers Protection and Development Desk, usa ka proposed comprehensive city government program diin tumong niini nag protektahan ang mga empleyado.
Gitataw sab ni Librado-Morata, committee head on labor and employment opportunities, ang maong desk magsilbi nga mekanismo aron nga maresolba ang isyu nga gi-atubang sa usa ka empleyado gikan sa barangay paingon na sa city level.
Nasayran nga ang nahisgutan nga proposal una ng nahisgutan atol sa Executive-Legislative Agenda (ELA) meeting sa city government sa milabay nga hulyo ning tuig kasamtangan.
Una ng gibutyag sa opisyal nga lakip siya dili pabor batok sa bisan unsa man nga klase sa contractualization.
Mahinungdanon sab nga aduna ipahigayon nga konsultasyon ingon man dayalogo tali sa trade union leaders ug local workers aron nga ilang mapasibaw ang ilang mga concerns ug isyu ug ang itukod nga desk alang sa mga mamumuo maoy mohimo ug aksiyon labot niini.
