DAVAO CITY – Gilauman nga dili na masinatian ang grabe nga pagbaha sa La Verna Hills Subdivision, Buhangon ning dakbayan sa Dabaw.
Kini human kapin sa 60 ka dumptruck sa mga basura ang nahakot atol sa gipahigayong walo ka adlaw decologging operation sa Department of Public Works and Highways (DPWH) eleven sa nahisgutang dapit.
Ang nagbara nga mga basura sa La Verna Hills subdivision maoy gitumbok nga hinungdan sa kanunay nga pagbaha sa matag higayon nga masinatian ang kusog nga pag-ulan sa dakbayan sa Dabaw.
Gikanayon sa DPWH eleven, kapin usaka gatus ka mga personahe niini gikan sa walo ka mga distrito sa ilang ahensiya ang nagtinabangay sa paghaw-as sa nagtapun-og nga mga basura nga nagbara sa mga kanal ug drainage sa nahisgutang dapit nga halos 20 ka tuig nang wala malimpyuhan.
