DAVAO CITY – Nakompleto na sa PEACE 911 Dos ang ilang Panag-ambit, diin kinahanglan nila ug assessment alang sa ilang expansion sa third congressional district ning siyudad human ang ilang pilot area sa Paquibato District nga nahimutang sa ikaduhang distrito ning siyudad.
Sumala pa kang Roger Baay, Focal Person for Peace 911 Dos ang Panag-ambit mao ang dalan alang sa ipahigayon nga assessment alang sa mga apektadong residente gikan sa mga nagkadaiyang sectoral groups sama sa mga kabataan, kababaenhan, mag-uuma ug faith-based organizations sulod sa usa ka Barangay.
Aduna sab sumala pay mga representante gikan sa mga barangay functionaries.
Subay sumala pa sa ilang gihimong assessment, gitataw ni Baay nga aduna sumala pay kinahanglan nga modifications nga ipatuman aron nga maaksiyonan ang mga panginahanglanon sa ikatulong distrito ning siyudad.
Apan nag-una sumala pa sa mga panginahanglanon sa lugar ang ilang seguridad ingon man kawad-on ug basic delivery sa serbisyo nga gikan sa gobyerno.
Gikanayong ang panag-ambit natunga sa lima ka mga barangay sa ikatulong distrito nga gilangkuban sa Baguio, Toril, Calinan, Marilog ug Tugbok nga nagsugod sa milabay nga Hulyo 26 ug natapos kaniadtong Agosto 23.
Kahinumduman nga ang Peace 911 usa ka localized peace and development initiative program sa lokal nga kagamhanan.
