DAVAO CITY – Subling gipahimangnoan ang mga Kadayawan festival spectators, mga Dabawenyos ug turista nga kinahanglan magbinantayon sa pagkuha ug pag-post ug mga hulagway nga mamahimo sumala pa nga hinungdan sa cultural insensitivity.
Sumala pa kang National Commission on Indigenous Peoples (NCIP)-Davao director Geroncio Aguio kinahanglan nga respetuhon sa mga bisita ang tradisyon ilabi na ang costume atok sa kapiyestahan ug dili mohimo ug mga lakang nga makapawagtang sa respeto sa mga lumad.
Tipik lamang kini human nga adunay mga misaway sa gihimo sa Bislig sa Surigao del Sur contingent nga Sindac Anib Performing Ensemble human ang mikatag nga hulagway sa social media kalabot sa “cultural misappropriation” sa costume nga ilang gisuot.
Gitataw sab ni Aguio nga bisan wala nadawat nga komunikasyon ang ilang buhatan gikan sa City Tourism Operations Office (CTOO), andam sumala pa ang NCIP nga makiglambigit sa mosunod nga tuig nga kapiyestahan aron nga mahisgutan ang “cultural sensitivity” sa mga partisipante ug malikayan na susama nga insidente.
