DAVAO CITY – Gipasalig sa Veterinary Quarantine Services unit sa Department of Agriculture (DA) Davao-Bureau of Animal Industry nga walay nahitabong smuggling activities sa karneng baboy dinhi sa dakbayan sa Davao.
Tipik lamang kini human nga ang grupo sa mga lokal nga hog raisers ang nagpadayag sa ilang sentimiyento nga adunay posibilidad nga pagsulod sa smuggled pork sa siyudad nga maoy hinungdan nga nagpabilin nga ubos ang presyo sa karneng baboy bisan nga gipatuman ang temporaryo nga pag-import ug pork meat gikan sa uban nga mga nasod.
Una na sba nga gibutyag ni Veterinary Quarantine Services Unit officer Ma. Teresa Bacayo, nga istrikto sumala pa nga gipatuman ang inspeksiyon sa mga produkto nga mosulod dinhi sa dakbayan.
Gikanayong ang mga produkto nga plano isulod sa dakbayan ang isumite sa Sanitary and Phytosanitary Import Certificate (SPSIC) aron lamang masiguro nga luwas kini. Mo-agi sab kini sa Veterinary Quarantine Services unit alang sa inspeksiyon.
Samtang gikanayon sab ni Bacayo nga wala silay nakumpiska nga mga frozen ug processed meat sa entrances sa siyudad sukad Mayo ning tuig kasamtangan tungod sa massive information dissemination on Asian Swine Flu (ASF) gikan sa mga nasod sama sa China, Latvia, Poland, Romania, Russia, ug Ukraine ug sa lain pang mga Asian ug European countries.
