DAVAO CITY – Gatusan ka mga nagpasuso nga mga inahan ang nagtapok sa Almendras Gym aron nga isaulog ang Breastfeeding Awareness Month.
Gihatagan sa mga ekperto ang mga partisipante ug information kalabot sa Lip and Tongue Tie, Facts ug Myths kalabot sa Breastfeeding, Milk Code ug uban pang mahinungdan nga mga topiko.
Gidayeg ni Dr. Annabelle Yumang, regional director ang mga organizers, ug Breastfeeding Pinays nga nanguna sa maong aktibidad.
Gihagit sab niini ang mga Breastfeeding Advocates ug pipila ka mga partisipante nga subling ipatuman ang Breastfeeding sa tibuok rehiyon isip kabahin sa kultura ug himuong natural nga pamaagi nga kinahanglan ikonsidera sa mga inahan.
Angayan sab sumala pa nga ipahibalo ngadto sa katawhan nga ang pagpasuso dili kinahanglan nga ika-ulaw inay nga isinggit sumala pa ang pulong nga “Atong ipa-uso ang pagpa-suso”.
