DAVAO CITY – Nanawagan ang Association of Differently Abled Persons (ADAP) nga i-review ang mga bag-ong gitukod nga gambalay nga nakalapas sa probisyon sa BP No. 344 o Accessibility Law.
Sumala pa kang ADAP-Davao president Redendo Martinez, misumite sila ug petisyon sa City Council atol sa deliberasyon alang sa pag-alokar ug pundo sa pagtukod ug elevator sa Sangguniang Panlugsod building.
Kinatibuk-ang P2.275 Million ang gi-alokar alang sa nahisgutan nga proyekto ilalom sa Supplemental Budget 1, nga gikatakda nga ipalabang sa mosunod nga semana alang sa ikatulo ug pinal nga pagbasa.
Gitataw ni Martinez, dugay na nila nga namatikdan nga ang nahisgutan nga gambalay sa siyudad wala gidesenyo aron nga maka-access ang PWDs.
Apan dili sumala pa sila maka-reklamo niini gumikan kay wala pay functional sa SP building.
Naglaom na lamang si Martinez nga unta ang SP building ug City Hall ang magsilbi nga modelo sa uban nga gambalay sa City. Naghulat na lamang sumala pa sila karon nga mapatuman na ang maong lakang.
