DAVAO CITY – Walay undang ang mga personahe sa City Health Office (CHO) sa ilang pagbisita sa mga Barangay ning dakbayan nga taas ang kaso sa dengue.
Ulahing gibisita sa buhatan ang Purok North San Juan sa Brgy Sentro Agdao District diin nagpahigayon ug fogging ingon man NS1 test ang CHO ngadto sa mga bata nga gikalintura aron nga masayran kung apektado kini sa dengue.
Gibisita sa buhatan ang maong barangay gumikan kay nakatala na ug 10 ka kaso sa dengue sulod lamang karong tuiga.
Gikanayong sa gipahigayon nga NS1 usa ka bata ang nagpositibo sa dengue.
Nasayran sa CHO nga sukad Enero hangtud Agusto ning kasamtangan, ang San Antonio ang nakatala na ug pinakataas nga kaso sa dengue nga anaa sa 28, Kapt. Tomaw Monteverde nga anaa sa 17 ka kaso, Lapu-lapu nga anaa sa 12 ka kaso, centro – 10 ka kaso, Ubalde – 9 ka kaso , Pacaiano Bangoy – 5 ka kaso, ug San Juan – 3 ka kaso.
Sumala pa kang Beth Banzon, Tropical unit sa CHO, nga usa sumala pa ang Brgy. San Juan sa ilang gitutokan nga Barangay sa dakbayan ug ila nasubay nga daghanan ang mga lugar nga posibleng puy-an sa mga lamok.
