DAVAO CITY – Bisan nga nagsugod na ang aktibidad sa Agri-Trade Fair nga kabahin sa Kadayawan Festival 2019 diin gipahigayon kini sa usa ka mall sa Ecoland ning siyudad, himuon sumala pa ang opening niining karong adlawa sa alas kuwatro unyang hapon.
Kahinumduman nga sagad sab nga ginadayo ang Agri Trade Fair gumikan kay daghanan ang mapalit nga semilya sa punoan ingon man klase-klase nga mga bulak ug furnitures.
Sumala sa Presidente sa Mindanao Garden Club Incorporated nga si Vivincio Gallego, misaka sumala pa ang ihap karon sa mga misalmot sa Trade diin gikan sa sa kapin 300 sa milabay nga tuig, nahimo na kining kapin sa 400 karong tuiga.
Daghanang mga bisita sab gikan sa laing nasod sama sa China, Thailand, Malaysia, Sri lanka ug uban pang nasod sa asya ang plano nga mosuroy sa trade fair aron nga mamalit ug mga nagkadaiyang semilya sa mga pananom.
Matapos ang tinuig nga Agri-trade fair sa Setyembre 1.
