DAVAO CITY – Misaka na ang kaso sa dengue dinhi sa dakbayan ngadto sa 1,414, as of July 31, human nga nakatala ang City Health Office (CHO) 293 ka mga kumpirmadong kaso sa milabay nga bulan.
Sumala pa kang City Health Office (CHO) Tropical Disease and Control Division Test Control worker Melodina Babante, bisan nga wala misaka sa epidemic ang kaso sa dengue dinhi sa siyudad, apan makaalarma sumala pa ang sitwasyon.
Nasayran sab kang Babante nga anaa na sab sa pito ang kumpirmadong namatay samtang padayon pa sab nila karon nga gikumpirma ang laing tulo ka kaso.
Kini ang hinungdan nga gideklara na sa Department of Health (DOH) ang a national dengue epidemic gumikan sa padayon nga pagsaka sa kaso sa mga nataptan niini.
Gibutyag sab ni Babante nga wala nagkulang ang ahensiya ingon man ang DOH sa paghatag ug pahimangno ngadto sa mga Barangay ilabi na kung paunsa masolusyonan ang kaso sa dengue.
Apan ang kawad-on sumala pa ug kooperasyon ang usa sa ilang gi-atubang mga problema.
