DAVAO CITY – Bisan nga walay gipagula nga advisory ang Philippine Coast Guard (PCG) Davao City Station kalabot sa pagkansela sa biyahe sa mga lantsa nga motabok sa Island Garden City Samal, apektado pa gihapon karon ang biyahe sa mga nahisgutan gumikan kay dyutay lamang ang mga pasahero tungod kay mahadlok sa mga dagkong balod sa kadagatan.
Nanawagan karon ang mga operator sa lantsa ngadto sa ilang mga pasahero nga dili lamang mahadlok gumikan kay adunay ipasuot nga life jacket alang sa mga nahisgutan.
Angayan lamang nga maminaw kung unsa ang mamahimong mando sa kapitan gumikan kay kini ang nasayod sa ilang padulngan.
Una na sab nga gibutyag ni PCG Davao commander Garry Laynesa nga gidid-an lamang una karon ang mga gagmay nga bangka sa pagpanagat apan kinahanglan maminaw pa gihapon sa mga advisory nga ilang ipagula.
