DAVAO CITY – Kontento sumala pa ang mga Dabawenyo sa performance ni Pangulong Rodrigo Duterte ug Mayor Mayor Sara Duterte-Carpio kini base sa gipahigayon nga citywide survey sa usa ka tulonghaan ning siyudad.
Sumala sa 11th series of City Wide Social Survey (CWSS) sa Ateneo de Davao University (Addu)-University Research Council (URC), nakaangkon si Pangulong Duterte ug net satisfaction rate nga +92.8.
Samtang ang presidential daughter nga kasamtangang naka-on leave ang adunay net satisfaction nga +97.4. Si Vice President Leni Robredo, nakaangkon ug pinakaubos nga net satisfaction nga anaa sa -3.5.
Kung hisgutan ang satisfaction sa performance sa mga government officials, si Mayor Duterte-Carpio ang nakaangkon ug pinakataas nga anaa sa “very satisfied” rating uban ang 86.3, gisundan sa iyang amahan nga si Pangulong Duterte nga anaa sa 79.2, ug local City Council nga anaa sa 69.2. samtang anaa sa ulahi si Robredo nga anaa sa 21.6.
Gikanayong ang CWSS gipahigayon sukad Hunyo 21 hangtud 23, ug Hunyo 28 hangtud 30 ning tuig kasamtangan uban ang 630 respondents gikan sa utlo ka mga distrito ning siyudad.
Gipailalom sa survey ang 1,599 respondents gikan sa 67 barangays sa dakbayan.
