DAVAO CITY – Nagpadayag sa ilang interes ang Davao City Transport and Traffic Management Office (CTTMO) nga magdugang pa ug 12 ka mga bus unit isip kabahin sa sugyot nga 24-hour service plan alang sa Peak Hours Augmentation Bus Services (PHABS) sa siyudad.
Sa kasamtangan, adunay pito ka mga bus nga nag-operate sa Catalunan Grande ug Toril District. Gikanayong ang dugang nga bus ang igo na aron nga maakomodar ang nagkataas nga ihap sa mga pasahero.
Sumala pa kang CTTMO chief Dionisio Abude, naghulat na lamang sila karon sa ipagula nga special permit gikan sa Land Transportation Franchising and Regulatory Board (LTFRB). Sa higayon nga aduna nay permit, sugdan na ang pag-operate ug 24 hours sa nahisgutan nga mga areas.
Gipasalig sab niini sa mga pasahero nga dili na kini mabalaka kung dugay nga makauli gumikan kay aduna nay mamasahero nga mga bus.
Sa kasamtangan, ang augmentation bus service naga-operate lamang atol sa peak hours nga magsugod sa 6:30 buntag ug matapos sa alas nuebe sa buntag dayon magpadayon sa alas singko sa hapon hangtud alas 8:00 sa gabii.
Usa sa mga nagpadayag nga magdugang ug bus unit mao ang Mindanao Star human nga ilang nadungog ang positibo nga feedback gikan sa mga commuters.
Sa kasamtangan, ang local bus company nga nag-operate sa PHABS mao ang Bachelor Express, LCI Buses,ug Davao Metro Shuttle.
Gikanayong sa umaabot nga panahon, tanan sumala pa nga mga bus nga nagbiyahe-an dinhi sa siyudad ang mamahimong kabahin sa High Priority Bus System (HPBS) ilalom sa transport modernization plan dinhi sa siyudad.
