DAVAO CITY – Gibutyag sa Public Safety and Security Command Center (PSSCC) nga ipakatag nila ang kinatibuk-ang 27,560 ka mga personahe gikan sa safety, security forces and law enforcement agencies alang sa month-long celebration sa 34th Kadayawan Festival nga paga-ablihan karong adlawa sa Magsaysay Park ning siyudad.
Sumala pa kang PSSCC deputy head Angel Sumagaysay , adunay tulo ka mga aktibidad nga mahitabo sa kick start sa tinuig nga selebrasyon ama sa opening sa Kadayawan Village sa Magsaysay Park, Misa Pasasalamat, ug Subang Sinugdanan.
Adunay ipahigayon usab nga 3D mapping sa city hall. Gikanayong adunay average nga 800 security personnel ang ipakatag matag adlaw sa mga nagkadaiyang event areas o mga aktibidad nga gitakda sa lokal nga panggamhanan.
Apan sa Agosto 17 diin ipahigayon ang Indak-indak sa Kadalanan, mas daghanang personahe ang ipakatag sa kadalanan nga anaa sa 5,412 forces aron mamonitor ang mga bisita samtang Agosto 24 diin himuon ang Pamulak sa Kadalanan susama sab mga personahe ang ipakatag sa dakbayan.
Hugtanon saa nga ipatuman sa otoridad ang dili pagpanigarilyo sa mga pampublikong lugar, pagdala ug back pack, pagdala ug dili transparent nga mga bottled water ug kinahanglan mopailalom sa inspeksiyon sa higayon nga magsuot ug jacket.
Gitambagan sab ni Sumagaysay ang security forces nga kinahanglan ipasabot niini sa mga bisita ug turista ang mga polisiya sa dakbayan ilabi na nga pipila sa mga nahisgutan ang bag-o pa lamang nga nakasuroy sa siyudad.
