DAVAO CITY – Plano karon ni 2nd District Councilor Javi Campos nga magpatuman ug daghanang sister-city partnership sa umaabot nga panahon apan angayan una sumala pa nga i-revisit sa dakbayan ang sister city agreements aron masubay kung nakatabang kini sa dakbayan.
Sumala pa kang konsehal Campos, nanguna sa committee on international relations, nga mitamud sumala pa ang siyudad sa pipila ka mga criteria ayha sudlon ang usa ka kasabutan.
Kalakip sumala pa niini ang similarity sa duruha ka mga siyudad partikular na sa land size, populasyon ug susama ang kalambuan sa idustriya partikular na sa agri-business hubs.
Nasayran nga ang kasamtangan nga sister town ug cities sa Davao ang gilangkuban sa mga lugar sa Baguio, Manila, Quezon City, Cebu City, Bayugan City sa Agusan del Sur, Legaspi sa Albay, Bacoor sa Cavite, San Juan sa Metro Manila, ug Marikina; Samtang sa international, gilangkuban sa China, Nanning sa China, Manado sa Indonesia, Pekanbaru sa Indonesia, Kitakyushu sa Japan, Koror sa Palau, Montevideo sa Uruguay, Panama City sa Panama, Vladivostok sa Russia, Keelung sa Taiwan, Hawaii ug Tacoma sa United States.
Samtang ang sugyot nga sister city partnership sa siyudad sa Cotabato ug Zamboanga ang pabilin nga naka-ong-ong sa City Council.
