DAVAO CITY – Laoman nga matapos gilayon ang mga Tribal Houses nga nahimutang sa Magsaysay Park ning dakbayan sa Davao ayha pa man ang kasaulogan sa Kadayawan sa bulan sa Agosto.
Kahinumduman nga okupado karon ang 11 ka mga tribu alang sa pagpanindot sa ilang tagsa-tagsa ka mga Tribal House kini aron nga ilang mapakita ang ilang mga tradisyon ug kultura.
Kabahin na karon sa kasaulogan sa Kadayawan ang Tribal Houses hinungdan nga laoman sab ang pagdagsa sa mga turista ug bisita sa buot mosuroy sa Magsaysay Park.
Una ng gibutyag ni Generose Tecson, head sa City Tourism Operation Office (CTOO), nga gawas nga gihaninan sa lokal nga panggamhanan ang pagtukod sa mga Tribal Houses, mas nakanindot sumala pa niini ang interes nga makita sa matag tribu aron lamang  mapanindot pa ang ilang tagsa-tagsa ka mga panimalay
