DAVAO CITY – Nanawagan ang ahensiya sa Department of Health (DOH) ngadto sa mga ginikanan nga karong pa lang tugutan na ang ilang mga anak nga makapailalom sa ipahigayon nga School based immunization.
Sumala sa ahensiya nga ipahigayon ang maong bakuna sa bulan sa Agosto diin target nila ang 700,001 ka mga bata sa Davao region diin 200,000 niini ang sa Davao City.
Nasayran nga ang grade 1 hangtud 7 duruha ka bakuna ang ihatag nga gilangkuban sa Measles-Rubella ug Tetanus Diptheria, sa grade 2-6 gilangkuban kini sa measles-rubella vaccine samtang sa Grade 4 nga mga babaye, tuplokan ang mga nahisgutan ug Human Papilloma Virus (HPV) vaccine.
Sumala pa kang Eldy Sombilon, National Immunization Program (NIP) coordinator nga laoman sumala pa nga ubay-ubay na ang magpabakuna karong tuiga gumikan kay hinay-hinay na nga nawagtang ang kahadlok sa mga ginikanan sa isyu sa dengvaxia ug tungod na sab sa kahadlok sa nga nahisgutan sa taas nga kaso sa tipdas sa milabay nga mga bulan.
