DAVAO CITY – Mipakita ug pag-uyon ang mga ekperto sa sugyot ni Konsehal Danilo Dayanghirang nga kinahanglan dungagan na ang congressional district sa dakbayan ilabi na nga nagkataas na karon ang populasyon sa siyudad apan kinahanglan pa gihapon kini nga ipailalom sa deliberasyon.
Sumala pa kang Ateneo de Davao University (AdDU) political analyst Prof. Ramon Beleno III nga tumong sa maong sugyot nga mahatag ang gikinahanglan nga serbisyo ug programa ngadto sa katawhan.
Apan kung tungaon man ang kasamtangang tulo ka mga distrito sa siyudad, angayan nga adunay ipahigayon nga mga konsultasyon gikan sa mga tawo.
Hinuon gi-angkon sa political expert nga mamahimong gasto ang maong plano sanglit kinahanglan na sab ug dugang nga mga miyembro sa House Representatives ug mga personahe niini.
Base sa 2015 data gikan sa Philippine Statistics Authority (PSA), Davao City adunay kinatibuk-ang 1,632,991 ka populasyon ang dakbayan.
Ang unang distrito ang adunay pinakadaghan ug residente nga anaa sa 592,736, gisundan sa second district nga adunay 592,250 ug third district nga adunay 452,781.
Gikanayong ang first district maoy angayan nga tungaon gumikan kay taas ang commercial activities sa lugar.
Hinuon maayo sumala pa ang dagan karon sa dakbayan bisan nga dyutay lamang ang congressional set-up sa kasamtangan.
