DAVAO CITY – Gikompirma ni Rodrigo Bustillo, City Disaster Risk Reduction and Management Office (CDRRMO) operations officer, nga pelegroso kaayo ang kahimtang sa Diversion Road, base sa hazard map sa dakbayan sa Davao giila kini nga pelegroso sa mga landslide.
Subay sa nahisgutan nga mapa dali nga makasenati ug landslide ang mga dapit sa Shrine Hills hangtud na sa lugar sa Barangay Langub, ning dakbayan.
Sumala kang Bustillo nga ang nahisgutan nga dapit giila nga no build zone ug angay nga wala’y tugotan nga magpuyo sa nahisgotan nga dapit.
Hinoon gi-angkon ni Bustillo nga dili diha-diha nila nga mahimo nga ipabakanti ang dapit gikan sa mga okopante.
Dugang pa sa CDRRMO Operations Officer nga sa unang pagsubay nila sa dapit nakatala sila ug gatus ka mga okopante sa dapit.
Hinoon human sa expansion sa Diversion Road wala na naka-abot ug usa ka gatus ang mga nagpabilin sa dapit.
