DAVAO CITY – Human nasubay ang mga barangay sa siyudad nga nahimutang sa Davao Central Fault System, gipahimangnoan sa Davao City Disaster Risk Reduction Management Center (CDRRMC) ang mga apektadong pamilya nga mobalhin na lamang ilabi na kadtong direkta nga ma-igo sa fault line.
Gumikan sa dakong kadaut nga mamahimong ihatud sa kusog nga pagtay-og, gi-awhag ni CDRRMC operations officer Rodrigo Bustillo ang mga residente nga ikonsidera ang pagbalhin o re-designing sa ilang mga panimalay nga ha-om o dili maapektohan sa higayon nga adunay mo-igo nga kalamidad.
Kahinumduman nga gisubay sa ahensiya ang mga fault line sa siyudad pinaagi sa ilang gipahigayon nga Fault activity sa Bago Oshiro ug Mintal.
Samtang padayon sumala pa nga magpahigayon ang CDRRMC ug mga earthquake drills aron nga mas makapangandam ang dakbayan sa Davao sa higayon nga adunay mo-igong kusog nga linog.
