DAVAO CITY – Kumpirmado nga motambong ang mga delegado gikan sa China, Singapore, Japan, South Korea ug Malaysia sa 5th Davao Investment Conference (Icon) sa Hunyo 20 hangtud 21 sa SMX Convention Center, Lanang, ning dakbayan.
Sumala pa kang Davao City Chamber of Commerce and Industry, Inc. (DCCCII) executive vice president John Carlo Tria nga ang pagpadala ug mga delegado gikan sa mga nagkadaiyang nasod nagpasabot lamang nga seryoso ang ilang interes hinungdan nga nahagit ang DCCCII sa ilang mga buhaton human ang maong conference.
Gikanayong ang foreign delegations ang na-inspired sa Davao chamber trade missions abroad ilabi na ang China ug Singapore.
Sa milabay nga abril 25, natala sa Philippine Statistics Authority 11 (PSA 11) ang 8.6 percent growth sa 2018 ug target nila karon ang 10.5 percent GRDP growth karong tuiga.
