-- ADVERTISEMENT --
DAVAO CITY – Gikatakdang magkita karon semanaha ang mga opisyal sa Commission on Elections (Comelec) ingon man mga opisyales sa Compostela Valley aron nga hisgutan ang gikatakdang plebisito sa lalawigan alang sa paghulip sa pangalan niini gikan sa Comval ngadto na sa Davao de Oro.
Sumala pa kang Gov. Jayvee Tyron Uy, nga pipila sa ilang hisgutan mao ang porsyento nga gikinahanglan sa boto nga “yes” aron nga mahulipan ang pangalan sa lalawigan.
Nanawagan na lamang ang opisyal ngadto sa katawhan sa probinsiya nga mogawas ug moboto sa gikatakda nga plebisito.
Una ng gibutyag sa opisyal nga dakong tabang ang paghulip ug pangalan sa lalawigan ngadto sa Davao De Oro gumikan kay mas daghanan ng investors ug bisita ang moadto sa lugar.
