DAVAO CITY – Gi-andam na sa lokal nga kagamhanan ang ihatag nga hinabang ngadto sa mga nabiktima sa nasunog kagahapong adlawa diin anaa sa 24 ka mga panimalay sa Purok 3-A, New Society Village, Ilang, Bunawan District ang gilamoy sa kalayo.
Una ng gibutyag ni Senior Fire Officer (SFO2) SFO2 Ramil Gillado, Chief sa Intelligence and Investigation Section sa Davao City Fire District nga nagsugod sumala pa ang sunog sa panimalay sa usa ka Josephine Lamoste nga resulta sa electrical arcing ug paspas nga mikaylap ang sunog gumikan kay gama lamang sa kahoy ang sagad sa mga balay sa dapit.
Una ng gibutyag sa usa ka Geramie Lahoy-Lahoy sa mga residente sa lugar nga labihan niyang kuyawa gumikan kay nagpahigayon sila ug clean-up drive sa ilang dapit pasado alas 6:00 sa butang dihang kalit nga nagkagubot gumikan sa pag-ulbo sa kalayo.
Gumikan kay paspas ang pagkatag sa kalayo, igo na lamang sa pagluwas ang nahisgutan sa ilang duruha ka mga anak samtang ang iyang bana igo nga nakakuha sa ilang motorsiklo.
