DAVAO CITY – Nakita sa actual footage nga kuha sa dashcam sa Davao Metro Shuttle bus, nga kusog ang dagan ug gitagbo sa kotse sa mga biktima ang gikasugat nga bus.
Kahinumduman nga labihang gubaa sa sakyanan ug patay diha-diha dayon ang usa ka Janilou Faye Rosales, 21, bag-ohay pa lamang mi-graduate sa kursong Bachelor in Medical Labotarory Science sa San Pedro College dinhi sa dakbayan sa Davao ug ang higala niini nga usa ka Melody An Ybanez, 27 anyos.
Una nang gipahayag ni Police Corporal Michael Novecio, imbestigador sa Talomo PNP nahitabo ang aksidente alas 4:08 kagahapon sa kaadlawon sa Quimpo, Boulevard ning dakbayan sa Davao, diin maayong pagkabongkag ug dili mahitsura ang gisakyan nga kotse sa mga biktima.
Sa panagbangga nangalagpot ang bahin sa kotse labi na ang pangunahang ligid ug nanga-ipit ang mga biktima nga mao ang hinongdan sa ilang kamatayon.
Subay niini subling nagpahinumdum ang Traffic Group sa mga motorista nga mag-amping ug motamod sa speed limit nga gipatuman sa mga kadalanan sa dakbayan.
