DAVAO CITY – Andam na ang ahensiya sa Department of Education (DepEd) 11 sa ipahigayon nga Brigada Eskwela nga magsugod sa Mayo 20.
Una niini, nanawagan si Mr. Jenielito Dodong Atillo, tigpamaba sa DepEd 11 ngadto sa mga ginikanan nga unta suportahan ang maong aktibidad aron nga hapsay na ang pag-abli sa klase karong bulan sa Hunyo.
Kahinumduman nga una ng gitino ni Atillo nga dili pinugsanay inay boluntaryo ang pagsalmot sa brigada eskwela ug labaw sa tanan dili kini mamahimong gamiton sa mga tulunghaan isip rekisitos aron nga ma-enroll ang usa ka estudyante.
Nanawagan sab ang opisyal ngadto sa mga ginikanan nga gidili ang paghatag ug kuwarta sa mga magtutudlo inay mas maayo sumala pa nga magdala na lamang ug mga cleaning materials nga magamit sa pagpanglimpiyo sa mga tulonghaan.
Ang regional kick off sa Brigada Eskwela karong tuiga ipahigayon sa Panabo National High school uban sa tema nga “matatag na bayan para sa maunlad na paaralan”.
