DAVAO CITY – Nadala sa balay tambalanan ang 40 ka mga atleta ug membro sa mga delegado sa Palarong Pambansa 2019 sukad nagsugod ang Palarong Pambansa 2019.
Sagad sa mga gipangdala sa infirmary naghambin sa nagkada-iya nga mga balati-an. Ang uban nangalipong gumikan sa naghinobra nga kainit sa adlaw.
Nangadala sab sa infirmary ang mga atleta nga nakahi-agum ug bun-og gumikan sa gi-apila nga contact sports.
Dunay duha ka mga atleta nga gikan sa Region 6 sa Central Luzon ang nagka-chicken fox ug dali sab noon nga gipapauli sa ilang tagsa ka mga lugar gumikan kay dili sila mahimo nga magpabilin dinhi sa dakbayan sa Davao ug sa ilang mga billeting quarters sa kabalaka nga makatakod sila sa uban.
Usa sab ka atleta nga gikan sa Aklan ang nagpabilin sa Southern Philippines Medical Center ug nagpa-abot na lamang sa mamahimong makagula sa hospital human magka-dengue.
