DAVAO CITY – Gikanayon sa Davao City Public Safety and Security Command Center (PSSCC) nga mihangyo sumala pa ang lokal nga panggamhanan ug pagtaud sa closed-circuit television (CCTV) cameras sa tanan nga mga simbahan ug uban pang mga lugar sama sa simbahan aron nga masiguro ang kaluwasan sa mga mamimbahay ilabi na aton sa paghinumdom sa semana santa.
Sumala pa kang PSSCC head Benito De Leon nga nagpadala ug sulat si Mayor Sara Z. Duterte-Carpio sa Archdiocese of Davao aron hangyuon ang pagmuntar ug CCTV cameras sulod ug gawas sa mga simbahan.
Nagpatuman karon ang dakbayan ug istrikto nga pagpatuman sa security measures sa mga simbahan human ang sunod-sunod nga pagpamomba sa Jolo Cathedral sa milabay nga Enero 27, 2019 nga nakapatay sa 22 ka mga otoridad ug sibilyan samtang kapin 100 usab ang angol.
Una na sab nga gidili ang pagdala ug mga backpacks, big bags ug plastic bags sulod sa mga simbahan. Dugang ni De Leon nga ang nahisgutan nga hangyo ang nakatutok sa Catholic churches nga mas daghan ang mga manimba.
Hinuon mamahimo sab sumala pa nga palapdan pa nila ang ilang hangyo sa uban nga mga religious sectors.
Gitataw sab sa opisyal nga atol sa Oplan Holy Week, magpakatag sila ug 1,700 security auxiliaries kalakip na ang mga pulis, military, traffic enforcers ug emergency staff diin sakop nila ang 38 ka mga simbahan latas sa siyudad.
