-- ADVERTISEMENT --
DAVAO CITY – Gipahibalo sa City Health Office (CHO) nga nagpadayon karon ang ilang gipahigayon nga pagbakuna kontra tipdas ilabi na nga pasulod na sab ang summer.
Sumala pa kang CHO head Josephine Villafuerte, walay undang ang ahensiya sa ilang pagmonitor bisan tuod nga miubos na karon ang ihap sa mga nataptan sa nahisgutan nga balatian.
Nasayran nga sukad Enero hangtud Marso ning tuig kasamtangan mukabat sa 551 ka kaso sa tipdas ang natala sa CHO diin pinakadaghan niini ang sa Toril area nga anaa adunay 85 ug misunod ang Talomo south nga adunay 74 ka kaso.
Samtang usa lamang ang natalang patay sa tipdas diin nanimuyo ang pasyente sa 76-A Bucana ning dakbayan.
