Barangay Police gisaludohan human nga unang mi-responde sa pagbusikad sa bomba atol sa bomb drill

DAVAO CITY – Misaludo si Public Safety and Security Command Center (PSSCC) Operations Chief Angel Sumagaysay sa Barangay Police sa Barangay 5-A nga mao ang dali nga mokontrol sa dapit diin mibusikad ang bomba atol sa bomb drill.

Bisan kung nabansay apan wala pahibaloa ang mga katawhan sa Bankerohan aron nga masuta sa PSSCC kung unsa ang mamahimong reaksyon sa katawhan ug sa mga otoridad nga anaa sa dapit.

Miposisyon gilayon ang Barangay Police sa Bankerohan ug gikontrol ang katawhan aron nga malikay sa pelegro ang katawhan.

Bisan ang dagan sa mga sakyanan gikontrola hangtud nga miabot ang mga bomb squad nga mao ang miseguro nga luwas na ang dapit.