DAVAO CITY – Nagdasok na ang mga binilanggo sa napulo ka mga bilanggo-an sa Davao Region. Sumala pa kang BJMP eleven Spokesperson Jail Inspector Redo Loveña nga taas ang porsiento sa pagsaka sa ihap sa mga piniriso.
Nag-una ang Panabo City diin duna na’y 454 ka mga nagdasok nga mga piniriso o 764 ka porsiento nga congestion rate.
Nagsunod niini ang ang Davao City Female Jail nga dunay 567 ka mga piniriso o 691 ka porsiento nga congestion rate. Nahimong ikatulo ang Digos City District Jail nga 773 o pagsaka nga 670 ka porsiento.
Ika-upat ang Davao City Annex dunay binilanggo nga 747 ka mga binilanggo o pagsaka nga 658 ka porsiento.
Ikalima ang Davao City Jail Male nga dunay 3,300 ka mga piniriso o mga 658 ka porsiento nga usbaw.
Ika-unom ang Digos District Jail (Female) 80 ang piniriso nila o mga 478 ka porsiento nga usbaw.
Ikapeto ang Montevista District Jail dunay 447 ka mga binilanggo o mga 465 ka porsiento nga pagsaka sa ihap sa ilang mga bi nilanggo.
Ikawalo ang Island Garden City of Samal (IGACOS) dunay 78 ka mga piniriso o mga 267 ka porsiento nga pagsaka sa ihap sa mga biniriso.
Ikasiyam ang Tagum City dunay 315 ka mga binilanggo o mga 214 ka porsiento nga pagsaka sa ihap sa ilang mga piniriso.
Ikanapulo ang Tagum City Female Jail nga dunay 47 ka mga binilanggo o mga 47 ka porsiento sab nga pag-usab.
Gumikan kay sa uban nga mga pasilidad dunay gipang-ila nga mga high profile inmates gi-seguro na lamang nga dili mabutang sa resgo ang ilang seguridad.
