DAVAO CITY – Nahimo nga mas makadani karon ang balay sa unse ka mga tribu sa Davao sa tribal village sa sulod sa Magsaysay Park, ning dakbayan.
Kini isip pagpangandam sa kasaulogan sa Kadayawan sa Davao nga magsugod karong Augusto 10. Ang tribong Ata mikompone sa ilang mga bangko, lamesa ug gate.
Gihimo sab sa tribong Cagan ang pagbutang ug amakan, isip kesame sa ilang balay.
Samtang gipangdesplay sab sa tibong Uvu Manobo ang ilang lumadnon nga Kape nga gama sa kamunggay, bugas mais, kape ug Mangostin.
Nasayran gikan sa City Tourism Office gipatahum ang tribal village aron nga mas mailhan sa publiko ang mga kultura sa mga tribu sa Davao.
Sumala sa mga lumad nga wala nila ginabaligya ang ilang pinasahe nga kape gumikan kay konsumo nila kini sa Marilog, apan ila kining ipatilaw sa mga bisita.
