DAVAO CITY – Patay ang usa ka hubog nga lalaki human kini nabangga-an mga alas 6:50 kagabii sa National Highway sa Lobo, Sta. Cruz, Davao del Sur.
Una nang naila ang biktima nga usa ka Noli Ariaga Pares, singkwenta anyos, residente sa Zone II, Lobo, Sta. Cruz, Davao del Sur nasayran nga mga alas 6:50 ang takna kagabii ang biktima nga si Noli kalit na lamang nga mitabok sa highway, apan usa ka Fortuner nga SUV nga gimaneho sa usa ka Marcos Panerio Ledaro, 46 anyos, sakop sa Armed Forces of the Philippines, residente sa dakbayan sa Davao kusog nga nagpadagan sa gimaneho nga sakyanan nga gikan sa dakbayan sa Digos ug padulong sa dakbayan sa Davao.
Wala gayud siya makabantay sa kalit nga pagtabok sa biktima, hinongdan nga iya kini nga nadumbolan.
Maayong pagkalagpot sa biktima ug nabunal sa karsada, diin dali kini nga gitabang ug gidala sa Medcor Hospital sa lungsod sa Sta. Cruz, apan gideklara na nga patay na.
Ang driver sa Toyota Fortuner dali sab nga mitahan ngadto sa mga tinugyanan sa balaod.
