DAVAO CITY – Pasakahan ug kaso ang mga progresibong pundok human nga nakasupak sa Republic Act No. 8749 o Philippine Clean Air Act of 1999.
Kini human sa pagsunog sa effigy ni Pangulong Rodrigo Duterte atol sa iyang ikatulong State of the Nation Address (SONA).
Sumala pa ni Davao City Police Office (DCPO) Director Police Senior Supt. Alexander Tagum nga iulang nakuhaan ug video isip ebidensya ang maong pagsunog aron nga mailhan kung kinsa ang nagsugo, lider ug ang nagsindi sa maong effigy. Klaro sumala pa nga nakasupak kini sa Clean Air Act.
Dali usab sumala pa nga gipangulong sa kapulisan ang maong pagsunog. Dugang pa ni Tagum nga ilang gi-respeto ang katungod sa mga progresibong grupo nga makapagwas sa ilang gibati apan dili kini makapugong sa balaud nga mipatigbabaw sa dakbayan sa Davao.
