DAVAO CITY – Sangkap na ang dugang 400 ka mga Police Auxiliaries nga gihatag sa lokal nga kagamhanan alang sa Davao City Police Office.
Kaganinang mokabat ngadto sa 494 ka mga police Auxiliary sa Davao City Police Office nga nagsukod sa ilang mga uniform.
Ang kwatrosientos mao ang dugang, ug ang nueventa y kwatro niini mao ang hulip sa mga nang-resign ug nag-AWOL nga mga Police Auxiliaries sa DCPO.
Human na sila sa Neuro ug drug test ug semana pa kang Police Senior Inspector Maria Teresita Plaza Gaspan nga karong umaabot nga Hulyo 10 ang ilang himoon nga pagpapanumpa, diin usa ka semana ang training ug human niini magsugod na sila sa pagpangatungdanan isip mga police auxiliary ubos sa Davao City Police Office nga bayaran sa lokal nga kagamhanan.
Ang 400 ka mga bag-ong mga police auxiliaries ipang-apod-apod gikan sa Station 1 hangtud Station 5, samtang ang 94 ka bouk mao ang ihulip sa mga police auxiliaries nga nang-resign ug nag-AWOL gikan sa mga kanhi nadistinohan nga mga police stations.
