DAVAO CITY – Gihimo na nga tag-traynta ka sako ang alokasyon sa imported nga NFA Rice sa matag mga retailers dinhi sa dakbayan sa Davao.
Sumala pa kang NFA Davao Manager Danila Dasilva ang dugang bugas maggikan sa otso mil ka mga sinakong bugas nga gihulaman sa NFA Davao gikan sa NFA Gensan.
Sumala pa kang Director Silva pinaspasay ang pagdiskarga sa dosentos mil ka bag sa bugas nga anaa pa sa TEFASCO Wharf.
Sa kwentada sa NFA nasayran nga kapin sa singkwenta mil ka sinakong bugas ang anaa na sa TEFASCO.
Hinoon gipasalig ni Silva duna pa’y igong supply sa NFA rice ang Davao Region bisan kung limitado lamang ang matag kilo nga mapalit sa mga konsumante.
Dugang pang tresientos mil ka mga sinakong bugas ang gilauman sa NFA nga ma-deliver karong bulan sa Augusto gikan sa nasod Thailand.
