DAVAO CITY – Hugtanon nga gibarugan ni Police Senior Inspector Ronald Lao, hepe sa Talomo Police Station nga nangilog ug armas ang napatay nga rape suspect James Barete Narte, samtang gikuha-an ug finger print alang sa ikaduhang kaso nga may kalabotan sa pagkalugos sa usa ka batan-ong babaye sa Sasa nga gika-ingon gitionan ug ice pick ug gilugos sa kalibonan nga bahin sa Lanang, Pampanga, ning dakbayan sa Davao niadtong Mayo 19.
Saysay ni Lao nga dihang gitangtang na ang posas ni Narte aron unta nga makuha-an ug finger print misulay kini sa pagpangilog ug armas ug nakapaboto pa kini tumong ngadto sa kesame ug sa pultahan nga bahin, hinongdan nga gi-neutralize kini sa mi-responde nga police SPO3 Danilo Daquigan.
Gipasalig ni Lao nga andam sila nga mo-atubang sa hukmanan kung ugaling mopasaka ug kaso ang pamilyang Narte batok kanila.
