DAVAO CITY – Gipailalum gilayon sa restricted custody ang police nga sakop sa PNP Provincial Crime Laboratory nga nagpositibo sa illegal nga druga.
Pinasikad sa resulta sa drug test nga gipagula niadtong Lunes diin nagpositibo sa illegal nga druga si PO2 Felixberto de Castro the third.
Nasayran gikan kang Police Chief Inspector Mel Grace Cajes Driz, tigpamaba sa Police Regional Office (PRO) 11 gihimo ang drug test niadtong Hunyo 21.
Sumala pa kang Driz nga gipa-ilalum dayon sa restricted custody si PO2 de Castro sa Police Holding and Accounting Unit alang pre-charge investigation.
Gimando ni Police Chief Supt. Manuel Gaerlan, PRO-11 Director nga paspasan ang himoon nga imbestigasyon aron nga mataktak gilayon sa serbisyo si PO2 De Castro.
Una na nga gibawi ni Gaerlan ang gi-isyo nga armas kang De Castro, lakip na ang PNP badge niini ug ang ID.
Sa talaan sa PRO eleven karong tuiga pito na ka mga police ang nataktak sa serbisyo, usa ang na-demote, napulo ang nasuspende, tulo ang na reprimand ug kwarenta y uno ang nag-atubang ug kasong administratibo gumikan sa managlahi nga kalapasan nga nahimo.
