DAVAO CITY – Gipahugtan pa karon sa Davao Del Norte Police Provincial Office (DNPPO) ang ilang operasyon batok sa gun-for-hire group nga nalambigit sa pipila ka mga shootingincidents sa ilang area of responsibilities.
Matud pa kang Sr. Supt. Alan Manibog, DNPPO director nga dili nila ikalimud nga adunay mga nahitabong shooting incidents sa lalawigan.
Padayon sab sumala pa nga gisubay karon sa intelligence community ang mga mipaluyo sa krimen ug ang grupo nga responsable niini.
Una ng gibutyag ni Manibog nga subay sa ilang mga nahipos nga ebidensiya ug resulta sa ballistic, susama lamang ang armas nga gigamit sa mga krimen.
Bisan nga wala sumala pay kongkreto nga basehan nga susama lamang nga armas ang gigamit sa pipila ka mga krimen, gikanayon ni Chief Insp. Mligrace Driz, spokesperson sa Police Regional Office XI nga pipila sa gibasehan niini ang pagpusil patay kang Kim Mark Lamintao, 26, security guard, nga gipusil sa gasoline station sa Purok Sampaguita, Visayan village, Tagum city ingon man ang pagpatay kang Wendrel Lazaga sa Crossing Timog Avenue, Barangay Visayan Village, Tagum City.
