Usa ka piloto luwas human nga nahagsa ang gimaneho niining spray plane

DAVAO CITY – Luwas apan kinahanglan nga mopailalom sa pagpa-check up ang usa ka piloto sa nahagsa nga Agricultural spray plane sa Prk 1, Brgy Upper Licanan, Panabo City, Davao Del Norte.

Ang nahisgutan nga abyon gipanag-iyahan sa AEROWURKZ Aviation diin sakay niini ang piloto nga si Capt Andrew Bernal, 54 anyos.

Sa inisyal nga imbestigasyon, nagpahigayon ug aerial spray sa Chua Banana Farm ang abyon dihang namatikdan sa piloto nga aduna kini engine trouble.

Misulay pa pagbalik sa tugpahanan ang piloto apan pakyas kini nga maoy hinungdan sa pagkahagsa sa eroplano, rason nga nakaangkon ug minor injuries si Capt. Bernal.

Andrew apan gisugyot pa gihapon nga mopailalom kini sa general check-up aron nga masayran ang iyang kondisyon.