House Speaker Alvarez gihimkak nga namahayag siya nga kalakip sa opposition si Mayor Sarah

Gipanghimakak ni House Speaker Pantaleon Alvarez nga namahayag kini nga kalakip na sa opposition si Davao City Mayor Inday Sara Duterte-Carpio.

Sumala pa kang Alvarez, dili mamahimong opposition si Mayor Duterte-Carpio gumikan kay anaa kini sa administrasyon.

Dugang pa ni Alvarez kung asa gikan ang estorya mao nga natahap kini nga dunay naghonghong sa mayor ug mga estoryang bakak batok kaniya.

Alang sa House Speaker wala’y problema kaniya ang atake karon ni Mayor Inday Sara Duterte-Carpio batok kaniya. Sa kasamtangan wala pa pagkahinabi sila si Alvarez ug ang Mayor sa dakbayan aron nga masulbad ang ilang bangi.