DAVAO CITY – Maghatag ug tabang pinansyal ang lokal nga panggamhanan sa dakbayan sa Dabaw alang sa mga lungsod ug munisipalidad sa Albay nga apektado sa mga pagbuto sa bulkang Mayon.
Sa gihimong regular session sa City council karong adlawa, gi-aprobahan sa mga konsehal ang cash assistancee nga nagkantidad ug 4.5 milyones ka pesos nga ipang apod-apod sa mga pamilya nga naggikan sa Camalig, Daraga, Guinobatan, Ligao, Malilipot, Tabaco, Sto. Domingo, Legaspi, ug Bacacay.
Kini human nga gihangyo ni Davao City Mayor Inday Sara Duterte Carpio nga mag allocate ug pono nga kuhaon nila sa response fund sa syudad aron nga itabang sa mga lugar nga apektado sa Mayon eruption. Matag apektadong lungsod ug syudad, makadawat ug tag-tunga sa milyon ka pesos.
Kahinumduman nga sa milabay nga tuig, naghatag usab ang dakbayan sa Dabaw ug lima ka milyon ka pesos nga financial assistance syudad sa Marawi ug walo ka milyon ka pesos sa mga lugar nga naapektuhan sa bagyong Urduja sa rehiyon sa Visayas.
