DAVAO CITY – Gibutyag sa Davao City Anti-Drug Abuse Councils (Cadac) nga gikan sa 10,708 ka mga natalang drug surrenderees atol sa Oplan Tokhang sa Philippine National Police (PNP), bugtong 3,900 nag-enrol sa ilang kaugalingon sa Community-Based Rehabilitation and After Care Program.
Matud pa kang Ronald Rivera, program director sa Enhanced Alternative Learning System, nga ang ihap sa mga enrollees wala nagpasabot nga mahuman nila ang tibuok programa gumikan kay pipila niini ang laoman sumala pa nga mag drop out. Sa higayon nga dili mag-enroll ang mga nalambigit sa ginadili nga droga, ibalik kini sa drug list.
Aron nga maawhag pa ang mga drug personalities sa rehabilitation program, kinahanglan nga ipatuman ang “incentivize approach” aron regular nga motambong ang mga drug reformists sa matag sesyon sa ilang tagsa-tagsa ka mga komunidad.
Pipila sumala pa sa mga hagit nga gi-atubang karon sa siyudad sa pagpatuman sa programa mao ang kawad-on ug political will sa pipila ka mga barangay officials.
Angayan sab sumala pa nga ipatuman ang holistic approach pinaagi sa mga aktibidad nga langkuban sa physiological, psychological, spiritual ug economic productivity.
