DAVAO CITY – Gi-angkon sa CSSDO nga nalangay ang paghatag nila ug hinabang sa mga biktima sa pagbaha hatud sa bagyong Vinta sa dakbayan sa Dabaw.
Sumala ni Norman Baloro, officer-in-charge sa CSSDO sa Buhangin District, ang kakulang nila ug mga personahe ang usa sa hiinungdan nganong nabalda ang ilang operasyon bisan ug mitabang na ang pipila ka mga volunters sa pag-impake sa mga relief goods.
Gawas niini, gikanayon ni Baloro nga nakababag usab sa ilang buhatan sa paspas unta nga pagtapus sa ilang operasyon ang mga issue sa pag-puyo sa syudad sa mga bakwit gikan sa Marawi City nga ulahi na kaayong mipalista sa ilang mga pangalan.
Hinuon, luyo sa maong mga suliran, ang CSSDO nakahimo na sa pagpagawas sa mokabat 28 milyones ka pesos nga assistance alang sa mga biktima.
Human ang halos usaka bulan nga pagbaha, aduna pay says sientos ka mga pamilya ang pabiling wala makadawat ug financial assistance.
Samtang, mokabat usab sa 89 ka mga pamilya ang nagpabilin pa sa covered court sa Juliville subdivision sa bauhangin ning syudad.
Kahinumduman nga 18,500 ka mga residente gikan sa 25 ka mga barangay sa syudad ang naapktuhan sa pagbaha niadtong dec. 22- 25, 2017.
