klase sa tanang level sa Comval suspendido gumikan sa pagbaha

DAVAO CITY – Suspendido karong adlawa ang klase sa tanan level sa tanang mga pampubliko ug pribadong mga tulunghaan sa mga munisipalidad sa New Bataan, Compostela, Nabunturan, Mawab ug Monkayo gumikan sa walay undang nga pagbundak sa ulan.

Una na sab nga nagpatuman ug suspensiyon sa ilang klase ang Banagbanag Elem School sa Montevista.

Kahinumduman nga halos walay undang ang pagbundak sa ulan kagahapong adlawa nga maoy hinungdan nga gibaha ang pipila ka mga lugar sa nahisgutan nga lalawigan.