DAVAO CITY – Daku ang pagtuo sa Department of Health (DOH) eleven nga mohatud ug kadaut sa panglawas sa katawhan ang dautan nga baho nga gikan sa nasunog nga NCCC mall nga nakakalas ug 38 ka mga kinabuhi ug mi-abo sa mga produkto, labi na kadtong mga gama sa plastic nga gigamitan ug isog nga mga kemikal dihang gigama.
Una nang gipahayag ni Dr. Abdula Dumama, Jr., Assistant Secretary sa DOH sa Mindanao ug Regional Director sa Davao Region nga duna gayu’y daku nga posibilidad nga makahatud ug daghan nga balati-an ug dautan nga epekto sa panglawas sa katawhan ang kanunay nga paghanggap sa dautan nga baho nga gikan sa naugdaw nga mall.
Angayan sumala pa nga dunay himoon nga environmental examination ang buhatan sa Department of Environment and Natural Resources (DENR) kalabot niini aron nga kalikayan nga magbalati-an ang mga katawhan gumikan sa dautan nga baho.
Gipasalig ni Dumama nga andam nga motabang ang DOH-12 kung duna’y mga magbalati-an gumikan sa maong katalagman.
